शिवताण्डव स्तोत्रम् | Shiv Tandav Stotram Lyrics
जटाटवीगलज्जलप्रवाहपावितस्थले
गलेऽवलम्ब्य लम्बितां भुजङ्गतुङ्गमालिकाम् ।
डमड्डमड्डमड्डमन्निनादवड्डमर्वयं
चकार चण्डताण्डवं तनोतु नः शिवः शिवम् ॥१॥
जटाकटाहसम्भ्रमभ्रमन्निलिम्पनिर्झरी-
विलोलवीचिवल्लरीविराजमानमूर्द्धनि ।
धगद्धगद्धगज्ज्वलल्ललाटपट्टपावके
किशोरचन्द्रशेखरे रतिः प्रतिक्षणं मम ॥२॥
धराधरेन्द्रनन्दिनीविलासबन्धुबन्धुर-
स्फुरद्दिगन्तसन्ततिप्रमोदमानमानसे ।
कृपाकटाक्षधोरणीनिरुद्धदुर्धरापदि
क्वचिद्दिगम्बरे मनो विनोदमेतु वस्तुनि ॥३॥
जटाभुजङ्गपिङ्गलस्फुरत्फणामणिप्रभा-
कदम्बकुङ्कुमद्रवप्रलिप्तदिग्वधूमुखे ।
मदान्धसिन्धुरस्फुरत्त्वगुत्तरीयमेदुरे
मनो विनोदमद्भुतं बिभर्तु भूतभर्तरि ॥४॥
सहस्रलोचनप्रभृत्यशेषलेखशेखर-
प्रसूनधूलिधोरणीविधूसराङ्घ्रिपीठभूः ।
भुजङ्गराजमालया निबद्धजाटजूटकः
श्रियै चिराय जायतां चकोरबन्धुशेखरः ॥५॥
ललाटचत्वरज्वलद्धनञ्जयस्फुलिङ्गभा-
निपीतपञ्चसायकं नमन्निलिम्पनायकम् ।
सुधामयूखलेखया विराजमानशेखरं
महाकपालिसम्पदेशिरोजटालमस्तु नः ॥६॥
करालभालपट्टिकाधगद्धगद्धगज्ज्वलद्
धनञ्जयाहुतीकृतप्रचण्डपञ्चसायके ।
धराधरेन्द्रनन्दिनीकुचाग्रचित्रपत्रक-
प्रकल्पनैकशिल्पिनि त्रिलोचने रतिर्मम ॥७॥
नवीनमेघमण्डली निरुद्धदुर्धरस्फुरत्
कुहूनिशीथिनीतमः प्रबन्धबद्धकन्धरः ।
निलिम्पनिर्झरीधरस्तनोतु कृत्तिसिन्धुरः
कलानिधानबन्धुरः श्रियं जगद्धुरंधरः ॥८॥
प्रफुल्लनीलपङ्कजप्रपञ्चकालिमप्रभा-
वलम्बिकण्ठकन्दलीरुचिप्रबद्धकन्धरम् ।
स्मरच्छिदं पुरच्छिदं भवच्छिदं मखच्छिदं
गजच्छिदान्धकच्छिदं तमन्तकच्छिदं भजे ॥९॥
अखर्वसर्वमङ्गलाकलाकदम्बमञ्जरी-
रसप्रवाहमाधुरीविजृम्भणामधुव्रतम् ।
स्मरान्तकं पुरान्तकं भवान्तकं मखान्तकं
गजान्तकान्धकान्तकं तमन्तकान्तकं भजे ॥१०॥
जयत्वदभ्रविभ्रमभ्रमद्भुजङ्गमश्वसद्
विनिर्गमत्क्रमस्फुरत्करालभालहव्यवाट् ।
धिमिद्धिमिद्धिमिध्वनन्मृदङ्गतुङ्गमङ्गल-
ध्वनिक्रमप्रवर्तितप्रचण्डताण्डवः शिवः ॥११॥
दृषद्विचित्रतल्पयोर्भुजङ्गमौक्तिकस्रजोर्
गरिष्ठरत्नलोष्ठयोः सुहृद्विपक्षपक्षयोः ।
तृणारविन्दचक्षुषोः प्रजामहीमहेन्द्रयोः
समप्रवृत्तिकः कदा सदाशिवं भजाम्यहम् ॥१२॥
कदा निलिम्पनिर्झरीनिकुञ्जकोटरे वसन्
विमुक्तदुर्मतिः सदा शिरःस्थमञ्जलिं वहन् ।
विलोललोललोचनो ललामभाललग्नकः
शिवेति मन्त्रमुच्चरन्कदा सुखी भवाम्यहम् ॥१३॥
इमं हि नित्यमेवमुक्तमुत्तमोत्तमं स्तवं
पठन्स्मरन्ब्रुवन्नरो विशुद्धिमेतिसंततम् ।
हरे गुरौ सुभक्तिमाशु याति नान्यथा गतिं
विमोहनं हि देहिनां सुशङ्करस्य चिन्तनम् ॥१४॥
Singer: Amrita Chaturvedi Upadhyay
Lyrics: Amrita Chaturvedi
Music: Rohit Kumar (Bobby)
Flute: Pt. Ajay Shankar Prasanna
Mixmaster: A R Creations
Video credits: UM Productions (Utkarsh Mishra, 8929967696)
℗ 2025 Amrita Chaturvedi
Shiv Tandav Stotram Lyrics in English
Jataatavi galaj-jala pravaaha paavita sthale,
Gale’valambya lambitaam bhujanga tunga maalikam.
Damad damad damad daman ninaada vadya marvayam,
Chakaara chanda taandavam tanotu nah Shivah Shivam. ॥1॥
Jataakataaha sambhrama bhramannilimpa nirjharii,
Vilola veechi vallari viraajamaana moordhani.
Dhagad dhagad dhagaj-jvalal lalaata patta paavake,
Kishora Chandra Shekhare ratih pratikshanam mama. ॥2॥
Dharaadharendra Nandini vilaasa bandhu bandhura,
Sphurad diganta santati pramoda maana maanashe.
Kripa kataaksha dhorani niruddha durdharaapadi,
Kwachid Digambare mano vinodametu vastuni. ॥3॥
Jataa bhujanga pingala sphurat phanaa mani prabhaa,
Kadamba kunkuma drava pralipta dig-vadhu mukhe.
Madaandha sindhura sphurat tvag-uttareeya medure,
Mano vinodam adbhutam bibhartu Bhoota Bhartari. ॥4॥
Sahasra lochana prabhritya shesha lekha shekhara,
Prasoona dhooli dhorani vidhoosaraanghri peethabhooh.
Bhujanga raaja maalayaa nibaddha jaata jootakah,
Shriyai chiraaya jaayataam Chakora Bandhu Shekharah. ॥5॥
Lalaata chatvara jvalad Dhananjaya sphulingabhaa,
Nipeeta pancha saayakam namannilimpa naayakam.
Sudhaa mayookha lekhayaa viraajamaana shekharam,
Maha Kapaali sampade shiro jataalam astu nah. ॥6॥
Karaala bhaala pattikaa dhagad dhagad dhagaj-jvalad,
Dhananjayaahuti krita prachanda pancha saayake.
Dharaadharendra Nandini kuchaagra chitra patraka,
Prakalpanaika shilpini Trilochane ratir mama. ॥7॥
Naveena megha mandali niruddha durdhara sphurat,
Kuhoo nisheethinee tamah prabandha baddha kandharah.
Nilimpa nirjharii dharas tanotu kritti sindhurah,
Kalaanidhaana bandhura shriyam Jagaddhurandharah. ॥8॥
Praphulla neela pankaja prapancha kaalima prabhaa,
Valambi kantha kandali ruchi prabaddha kandharam.
Smaracchidam Puracchidam Bhavacchidam Makhacchidam,
Gajacchidam Andhakacchidam Tamantakacchidam bhaje. ॥9॥
Akharva sarva mangalaa kalaa kadamba manjari,
Rasa pravaaha maadhuri vijrimbhana madhu vratam.
Smaraantakam Puraantakam Bhavaantakam Makhaantakam,
Gajaantaka Andhakaantakam Tamantakaantakam bhaje. ॥10॥
Jayatvadabhravibhrama bhramad bhujanga mashvasad,
Vinirgamat krama sphurat karaala bhaala havyavaat.
Dhimid dhimid dhimidhvanan mridanga tunga mangala,
Dhvani krama pravartita prachanda taandavah Shivah. ॥11॥
Drishad vichitra talpayor bhujanga mauktika srajor,
Garishtha ratna loshthayoh suhrid vipaksha pakshayoh.
Trinaaravinda chakshushoh prajaa mahee Mahendrayoh,
Sama pravrittikah kadaa Sadaa Shivam bhajaamyaham. ॥12॥
Kadaa nilimpa nirjharii nikunja kotare vasan,
Vimukta durmatih sadaa shirah-stham anjalim vahan.
Vilola lola lochano lalaama bhaala lagnakah,
Shiveti mantram uchcharan kadaa sukhee bhavaamyaham. ॥13॥
Imam hi nityam evamuktam uttamottamam stavam,
Pathan smaran bruvan naro vishuddhim eti santatam.
Hare Gurau subhaktim aashu yaati naanyathaa gatim,
Vimohanam hi dehinaam Su-Shankarasya chintanam. ॥14॥
